Nodirbek Abdusattorov va Javohir Sindorov Freestyle Chess Grand Slam turniridagi ishtirokini yakunladi. Germaniyaning Vayssenxaus shahrida 750 ming dollar mukofot jamg‘armasiga ega turnir yakunlanmoqda. Abdusattorov 5-o‘rin uchun kechgan har ikkala bahsda amerikalik Hikaru Nakamuraga yutqazdi. Nakamura 50 ming dollar mukofot oldi, 6-o‘rinni egallagan Abdusattorov esa 40 ming dollar bilan taqdirlandi.