O‘zbekiston erkaklar terma jamoasi Chennay (Hindiston) shahrida o‘tkazilgan 44-shaxmat olimpiadasining 11-turida Gollandiya jamoasini mag‘lub etib, chempion bo‘ldi. 9-avgust kungi so‘nggi uchrashuv 2,5:1,5 hisobida yakunlandi. 20 yoshli Nodirbek Yoqubboyev dastlab mag‘lubiyatga uchrayotgandi, biroq vaziyatni o‘nglab, durangga erishdi.O‘zbekistonlik shaxmatchi 11 tur davomida besh g‘alaba, olti durang qayd etdi va mag‘lubiyatga uchramadi (11 tadan 8 ochko). 17 yoshli grossmeyster Nodirbek Abdusattorov va dunyoning eng kuchli 10 nafar shaxmatchisi qatoridan joy olgan 28 yoshli Anish Giri o‘rtasidagi bahs ham durang bilan yakunlandi. Abdusattorov ustunlikka ega edi, g‘alaba qozonsa, u 2700+ reytingli shaxmatchilar safiga qo‘shilishi mumkin edi

2004-yil 13-iyul O‘zbekiston sport tarixiga oltin harflar bilan yozildi. Shu kuni o‘zbek grossmeysteri Rustam Qosimjonov Tripoli (Liviya) shahrida o‘tkazilgan shaxmat bo‘yicha jahon chempionatida g‘alaba qozonib, bosh sovrinni qo‘lga kiritdi. Rustam Qosimjonov 1979-yil 5-dekabrda Toshkentda tug‘ilgan. U bolaligidan shaxmatga qiziqib, 5 yoshida jiddiy shug‘ullana boshlagan. 15 yoshida yoshlar o‘rtasida Osiyo chempioni bo‘lgan. 1997-yilda, 18 yoshida, xalqaro grossmeyster normasini bajargan. Oradan bir yil o‘tib, u kattalar o‘rtasida ham Osiyoning eng kuchli shaxmatchisi ekanligini isbotlab, shaxmat olamida o‘z o‘rnini mustahkamladi.

Mirzo Ulug‘bek nomidagi O‘zbekiston Milliy universiteti professori Yuriy Buryakov shaxmat tarixida muhim kashfiyot qildi. 1990 yilda u Samarqandning qadimiy qismi – Afrosiyobda olib borilgan qazilmalar davomida fil suyagidan yasalgan 7 dona shaxmat haykalchasini topdi. Bu, hozirgacha topilgan eng to‘liq shaxmat to‘plami hisoblanadi. 1996 yilda yapon arxeologlari O‘zbekiston janubidagi qadimiy Dalvarzintepa hududida Kushon imperiyasi davriga oid ikkita noyob shaxmat haykalchasini aniqlashdi. Bu esa miloddan avvalgi II asrdayoq qadimiy O‘zbekistonda shaxmat o‘yinining mavjud bo‘lganini anglatadi.

Rustam Qosimjonov 1979-yil 5-dekabrda Toshkent shahrida tug‘ilgan. U yoshligidan shaxmatga qiziqib, 5 yoshidan boshlab jiddiy shug‘ullangan. 15 yoshida Osiyo chempioni bo‘lgan. 1997-yilda, 18 yoshida xalqaro grossmeyster unvoniga sazovor bo‘ldi. Oradan bir yil o‘tib, kattalar o‘rtasida ham qit’ada yetakchi ekanligini isbotlab, jahon shaxmat maydonida o‘z o‘rnini topdi.2004-yilgi Jahon shaxmat chempionati Liviyada o‘tkazildi. O‘sha paytda Qosimjonov FIDE reytingida 54-o‘rinda edi. Siyosiy sabablarga ko‘ra ba’zi kuchli shaxmatchilar turnirda qatnashishdan bosh tortdi. Bu esa aynan kuchga to‘lgan Qosimjonov uchun katta imkoniyat edi. Shunga qaramay, Liviyada deyarli barcha kuchli shaxmatchilar jam bo‘ldi