Ўзбекистон эркаклар терма жамоаси Ченнай (Ҳиндистон) шаҳрида ўтказилган 44-шахмат олимпиадасининг 11-турида Голландия жамоасини мағлуб этиб, чемпион бўлди. 9-август куни бўлиб ўтган сўнгги учрашув 2,5:1,5 ҳисобида якунланди. 20 ёшли Нодирбек Ёқуббоев дастлаб мағлубиятга учраётганди, бироқ вазиятни ўнглаб, дурангга эришди.Ўзбекистонлик шахматчи 11 тур давомида беш ғалаба, олти дуранг қайд этди ва мағлубиятга учрамади (11 тадан 8 очко). 17 ёшли гроссмейстер Нодирбек Абдусатторов ва дунёдаги энг кучли 10 нафар шахматчи қаторидаги 28 ёшли Аниш Гири ўртасидаги баҳс ҳам дуранг билан якунланди. Абдусатторов устунликка эга эди, ғалаба қозонса, у 2700+ рейтингли шахматчилар сафида бўлиши мумкин эди.
2004-йил 13-июль Ўзбекистон спорт тарихига олтин ҳарфлар билан ёзилди. Шу куни ўзбек гроссмейстери Рустам Қосимжонов Триполи (Ливия) шаҳрида ўтказилган шахмат бўйича жаҳон чемпионатида ғалаба қозониб, бош совринни қўлга киритди. Рустам Қосимжонов 1979-йил 5-декабрда Тошкентда туғилган. У болалигидан шахматга қизиқиб, 5 ёшида жиддий шуғуллана бошлаган. 15 ёшида ёшлар ўртасида Осиё чемпиони бўлган. 1997-йилда, 18 ёшида, халқаро гроссмейстер нормасини бажарган. Орадан бир йил ўтиб, у катталар ўртасида ҳам Осиёнинг энг кучли шахматчиси эканлигини исботлаб, шахмат оламида ўз ўрнини мустаҳкамлади.
Мирзо Улуғбек номидаги Ўзбекистон Миллий университети профессори Юрий Буряков шахмат тарихида муҳим кашфиёт қилди. 1990 йили у Самарқанднинг қадимий қисми – Афросиёбда олиб борилган қазилмалар давомида фил суягида ишланган 7 дона шахмат ҳайкалчасини топди. Бу, ҳозиргача топилган энг тўлиқ шахмат тўплами ҳисобланади. 1996 йили япон археологлари Ўзбекистон жанубидаги қадимий Далварзинтепа ҳудудида Кушон империяси даврига оид иккита ноёб шахмат ҳайкалчасини аниқлашди. Бу эса милоддан аввалги II асрдаёқ қадимий Ўзбекистонда шахмат ўйини мавжуд бўлганини англатади.
Рустам Қосимжонов 1979-йил 5-декабрда Тошкент шаҳрида туғилган. У ёшлигидан шахматга қизиқиб, 5 ёшидан бошлаб жиддий шуғулланган. 15 ёшида Осиё чемпиони бўлган. 1997-йилда, 18 ёшида халқаро гроссмейстер унвонига сазовор бўлди. Орадан бир йил ўтиб, катталар ўртасида ҳам қитъада етакчи эканлигини исботлаб, жаҳон шахмат майдонида ўз ўрнини топди.2004-йилги Жаҳон шахмат чемпионати Ливияда ўтказилди. Ўша пайтда Қосимжонов FIDE рейтингида 54-ўринда эди. Сиёсий сабабларга кўра баъзи кучли шахматчилар турнирда қатнашишдан бош тортди. Бу эса айнан кучга тўлган Қосимжонов учун катта имконият эди. Шунга қарамай, Ливияда деярли барча кучли шахматчилар жам бўлди
