Budapeshtda 45-Butunjahon shaxmat Olimpiadasi davom etmoqda. 6-tur doirasida 16-sentyabr kuni O‘zbekiston erkaklar jamoasi Isroilga, qizlar esa Niderlandiyaga qarshi dona surdi. Javohir Sindorov mag‘lubiyatga uchradi, biroq ikki Nodirbekning g‘alabasi va Shamsiddin Vohidovning durangi natijasida amaldagi chempionlar Isroil ustidan g‘alaba qozondi. O‘zbekistonlik qizlar esa Niderlandiyaga qarshi kechgan shiddatli bahsda durang o‘ynadi.