Будапештда 45-Бутунжаҳон шахмат Олимпиадаси давом этмоқда. 6-тур доирасида 16-сентябр куни Ўзбекистон эркаклар жамоаси Исроилга, қизлар эса Нидерландияга қарши дона сурди. Жавоҳир Синдоров мағлубиятга учради, бироқ икки Нодирбекнинг ғалабаси ва Шамсиддин Воҳидовнинг дуранги натижасида амалдаги чемпионлар Исроил устидан ғалаба қозонди. Ўзбекистонлик қизлар эса Нидерландияга қарши кечган шиддатли баҳсда дуранг ўйнади.